Argieffoto (Foto: Hebi B./Pixabay)
Woord:
pollevink
Betekenis:
Volgens die Woordeboek van die Afrikaanse Taal (WAT) is “pollevink” ʼn geselstaalterm wat “vry, opsit of kuier” beteken. Byvoorbeeld:
- Die paartjie het die hele aand by die restaurant gesit en pollevink, salig onbewus van die tyd.
Daar is verskillende variasies van die woord, naamlik “pollievink”, selde ook “pollefink” en in die argaïese vorm “polevink”.
Hierdie interessante brokkie verskyn in die Woordeboek van die Afrikaanse Taal (WAT). Ondersteun gerus hul Borg ʼn Woord-projek.
- Ter wille van die konteks van hierdie taaltoffie en ter wille van erkenning aan die bron versoek ons dat jy nie bloot net ʼn skermskoot van hierdie taaltoffie op sosiale media sal deel nie, maar eerder die skakel van die Toetentaal-plasing sal gebruik. – Red.
