Hunter Tylo as Taylor Hayes, Ronn Moss as Ridge Forrester en Katherine Kelly Lang as Brooke Logan Forrester in The Bold and the Beautiful (Foto: tenplay.com.au)
Woord:
sepie
Betekenis:
Buitengewoon gewilde radio- of televisiedrama wat op ‘n gereelde grondslag, dikwels daagliks, uitgesaai word, en veral gekenmerk word deur gestereotipeerde huislike situasies en melodramatiese, sensasionele en sentimentele storielyne
Ook: seepopera, strooisage; seepkisopera (ongewoon): Sepies se storielyne word geweef rondom mans wat magtig is en vrouens wat mooi is (M.S. Smith in T.T. Cloete: Lit. Terme, 1992, 533).
Waar kom dit vandaan?
Uit Engels soapie, ‘n afleiding met -ie van soap, ‘n verkorting van soap opera, na aanleiding van die feit dat sulke reekse vroeër dikwels deur seepmaatskappye in die Amerika geborg is en seep dikwels tydens uitsendings geadverteer is.
Die waarheid is dat hulle dit n sepie noem is, want dit was enige ordentlikheid en goeie waardes uit jou kop uit…