WAT Woord van die week: sieal

Argieffoto (Foto: werner22brigitte, Pixabay)

Argieffoto (Foto: werner22brigitte, Pixabay)

Woord:
sieal (ook met ‘n kopelteken sie-al) (geselstaal). (Maleis sijal)

Betekenis:
1 a  Wat onheilspellend, spookagtig of grillerig is, of wat ongeluk meebring: Die uil is ‘n sieal voël (Britstown). Wanneer was die Anglo-Boere-oorlog oor? In 1902. Tel bymekaar die syfers in dié jaartal: 12. Tel twaalf by 1902 — … 1914, en die begin van die Eerste Wêreldoorlog! Begin dit nie vir u al sie-al lyk nie? (Die Burger, 20 Jun. 1963, 6).

b Wat ongelukkig is in wat onderneem word: Die vis is skaars: die vissermanne was sieal vandag (Saldanha). (Ook opgeteken in Lambertsbaai en Langebaan).

2 BYGELOWIG: Ek is nou nie ‘n sie-al mens nie, maar dis of ek hierdie ding se stof sien opslaan het (T. Kotzé: Latjieboud, 1972, 38).

Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal. Ondersteun gerus hulle Borg ‘n Woord-projek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.