Woord:
siertjie (verouderd)
Betekenis:
‘n Klein bietjie: Die plank is nog net ‘n siertjie te dik geskaaf (Stellenbosch). Ek (het) gebuk en die hondjie gestreel – ‘n beleefdheid wat, ofskoon dit miskien ‘n siertjie oorbodig was, die dame aangenaam aangedoen het (C.L. Leipoldt: Spoke, 1927, 67). Laat jul onderwyser ‘n siertjie fosfor neem en dit met ‘n mes oor ‘n houtplank smeer (J. de V. Heese: Rotspoele, 1935, 148). (Ook opgeteken in Aliwal-Noord, Graaff-Reinet, Grabouw, Kenhardt, Witbank, Worcester en in die Paarl).
Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal.