WAT Woord van die Week: Vaaltyn

Argieffoto

Argieffoto

Woord:
Vaaltyn (selfstandige naamwoord)

Betekenis:
Donkienaam: Vaaltyn is weer vandag lekker dooierig.

Waar kom dit vandaan?
Vaaltyn is deur volksetimologie vervorm uit Valentinus, ‘n naam vir heiliges. Valentinus is die Latynse verkleiningsvorm van valens wat “sterk, gesond of invloedryk” beteken.

Valentynsdag spruit uit die feesdag van Sint Valentyn wat verbind is aan ‘n Romeinse fees waarop ongetroude vrouens hulle wens om te trou, kon uitspreek. Hulle name is op potskerwe geskryf en in ‘n kruik gegooi waaruit die mans dan vir hulle lootjies getrek het. Die Engelse kerk het eeue later die seremonie afgewater tot die stuur van liefdesbriewe.

Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.