Woord:
veteraan
Betekenis:
1. Oudsoldaat, iemand met lang militêre ervaring
2. Ervare persoon
3. Ouer persoon wat bedrewe was in iets
4. Persoon wat in ‘n bepaalde ouderdomskategorie in sekere sportsoorte deelneem
Waar kom dit vandaan?
Uit Nederlands veteraan, uit Frans vétéran, uit Latyn veteranus “oudgediende”, uit vetus “oud”.
Woord:
rekruut
Betekenis:
1. Onervare nuwe lid in die weermag, polisie of dergelike instelling
2. Enige persoon wat gewerf is vir ‘n beroep, ‘n vereniging, ‘n sportspan of iets dergeliks
Waar kom dit vandaan?
Uit Nederlands rekruut, uit Frans recrute, “nuwe groei”, uit Latyn re-crescere, “weer groei”.
Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal.