Woord:
wedstryd
Betekenis:
Mededinging, veral in sport.
Waar kom dit vandaan?
Uit Nederlands wedstrijd (1650). Die Nederlandse wisselvorm weddenstrijd (1804) dui aan dat dit verband hou met weddenschap (1666) “weddenskap”, waarskynlik na aanleiding van die gebruik om geld op sulke kompetisies te verwed. Eerste optekening in Afrikaans in Patriotwoordeboek (1902).
Nederlands wedstrijd uit Hoogduits Wettstreit (1494). Geld het dus oorspronklik ook ‘n rol in sport gespeel, voordat die amateur-era aangebreek het. Wedloop en wedren het ‘n soortgelyke herkoms.
Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal.
Wedstryd? Almal praat dan deesdae van GHYM.