Foto net ter illustrasie. (Foto: Nathan Dumlao/Unsplash)
Woord:
bredie
Betekenis:
Gereg van vleis wat gewoonlik met uie gesmoor en met groente gestowe word.
Waar kom dit vandaan?
Moontlik uit Portugees bredo “enigeen van verskeie plante van die geslag Amaranthus, soms as groente gekook”. Hierdie groente was aanvanklik waarskynlik die groente wat in ʼn bredie gebruik is. ʼn Vroeëre betekenis van bredie, waar dit gebruik is om te verwys na ʼn gereg wat slegs uit groente bestaan, is reeds in 1831 opgeteken (Silva 1996). Ook by Pannevis (1880) het bredie die betekenis “groen moes van verskillende plante berei”. Eerste optekening in Afrikaans in die huidige betekenis by Mansvelt (1884) in die vorm bredi.
Bron: Etimologiewoordeboek van Afrikaans (EWA)
- Ter wille van die konteks van hierdie taaltoffie en ter wille van erkenning aan die bron versoek ons dat jy nie bloot net ʼn skermskoot van hierdie taaltoffie op sosiale media sal deel nie, maar eerder die skakel van die Toetentaal-plasing sal gebruik. – Red
