Woord: crèche

Argieffoto (Foto: Myriams-Fotos, Pixabay)

Woord:
crèche

Betekenis:
kinderbewaarplek; plek waar jong kinders van werkende moeders gedurende werkure versorg word.

Waar kom dit vandaan?
Eerder uit Engels crèche (1854) as uit Nederlands crèche (1901 – 1925). Reeds in 1950 in dié betekenis (bewaarplek of dagsentrum waar kinders versorg en gevoed word terwyl die ouers buitenshuis moet wees) in die Woordeboek vir die Afrikaanse Taal opgeneem.

Engels crèche uit Frans crèche uit Oudfrans creche “krip, eetbak” of Provensaals crépia wat teruggaan op Oudhoogduits (Frankies) *kripja “krip, wieg” en moontlik verband hou met die krip in die stal waar Christus gebore is. Indien wel, hou dit dan waarskynlik ook verband met Nederlands krib(be) en Engels crib in die ouer betekenis van onder andere “mandjie, vlegwerk, eetbak, krip”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.