Woord:
flikflooi
Betekenis:
iemand vlei met die doel om iets te kry; berekend vriendelik/tegemoetkomend wees; by iemand (probeer) inkruip: Hy flikflooi verniet by my; ek sal hom niks gee nie. • iemand wat altyd by die hoof flikflooi. • Die prinsipaal is ‘n man wat ‘n hoë toon aanslaan teenoor sy personeellede wat hom gedurig vlei en om hom flikflooi (F.P. van der Merwe).
Waar kom dit vandaan?
Uit Nederlands flikflooien (1653), ‘n samestelling van flikken ‘vlei’ en vlooien, dialektiese vorm naas vleien. Vergelyk Middelnederlands flockeflere ‘flikflooi’, ‘n samestelling van flocken en fleeren wat albei ‘vlei’ beteken het.