Woord: 
Getal/Aantal
Betekenis:
Getal dui meestal ‘n presiese hoeveelheid, aantal ‘n onbepaalde hoeveelheid aan. Die onderskeid is egter nie deurgaans deurvoerbaar nie en die woorde is soms uitruilbaar, bv. daar was ‘n groot aantal (getal) mense teenwoordig. In die volgende sinne is die woorde nie uitruilbaar nie: Ek kan jou die getal beseerdes gee as jy dit wil hê. Daar het ‘n aantal beseerdes langs die wrak gelê.
Bron: Handwoordeboek van die Afrikaanse Taal
