Woord: grotesk

Grafika: http://im-akermariano.blogspot.com/

Grafika: http://im-akermariano.blogspot.com/

Woord:
grotesk

Betekenis:
grillig, vreemd

Waar kom dit vandaan?
Uit Italiaans grottesca. Die woord is eers gebruik om tekeninge teen die mure van onderaardse grotte in die ruïnes van antieke Rome te beskryf. Hoekom “grillig”? Toe dié kelders onder die baddens van keiser Titus Vespasianus Augustus (39-81 n.C.) en ander Romeinse geboue in die Middeleeue opgegrawe is, is ontdek dat die mure met bisarre tonele beskilder was. Verwronge menslike liggamsvorms is byvoorbeeld met blompatrone vermeng. Die opgrawings is in die 13de eeu “grotte” genoem en vandaar die naam grotesk.

Dié interessante brokkie is in Anton F. Prinsloo se boek, ‘n Dief aan die kers – skelm woorde deur die eeue gepubliseer.
Uitgewers: Pharos
Prys: R250-00*
* Prys onderhewig aan verandering

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae