Woord: harwar

Argieffoto

Woord:
harwar

Betekenis:
warboel; wanorde; deurmekaarspul; verwarring; dwarstrekkery.
| in die/’n harwar erg deurmekaar/verward; in (’n) chaos: In die harwar is ouers en kinders van mekaar geskei. • Negatiewe gebeure soos stakings en kommer oor valutareserwes kan markte in ’n harwar dompel.

Waar kom dit vandaan?
Uit Nederlands harrewar (1867 – 1879), ‘n wisselvorm van geharrewar (1781) ‘kleingeestige getwis of gekibbel’. Nederlands harrewar is ‘n afleiding van harrewarren ‘kibbel, stry’, wat ‘n gedeeltelike reduplikasie is van warren ‘in verwarring kom’. Eerste optekening in Afrikaans by Kern (1890) in die betekenis ‘verleentheid’.