Woord: hoender à la king

Hoender à la king (Foto: Royco)

Woord:
hoender à la king

Betekenis:
hoendergereg met hoofsaaklik sampioene en groen soetrissies in ʼn roomsous

Waar kom dit vandaan?
Dalk het die koninklike naam van die gereg voete van klei. Dit is dalk oorspronklik hoender à la Keene genoem, na ʼn Amerikaner, JR Keene, wat in 1881 in Londen se Claridge-hotel tuisgegaan het net nadat sy perd ʼn groot wedren in Parys gewen het. Die naam van die sjef van die beroemde Amerikaanse Delmonico-restaurant, Charles Ranhofer, word genoem as aanspraakmaker. Hy sou dit dan in die vroeë 1890-erjare vir JR se seun, Foxhall Keene, geskep het.

Maar ʼn ander kok, George Greenwald, het ongeveer 1898 so ʼn gereg bedink vir mnr. en mev. E Clark King, die eienaars van die Brighton Beach-hotel in New York. Hulle was dol daaroor en volgens oorlewering het mev. King gevra dat dit permanent op die spyskaart moes verskyn. Volgens sommige nie-Franse Yanks is dit waar die la in die naam vandaan kom: la King (“die vroulike King”).

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.