Woord: holderstebolder

Argieffoto (Foto: Pexels, Pixabay)

Woord:
holderstebolder

Betekenis:
Iets holderstebolder doen beteken “iets oorhaastig doen”

Waar kom dit vandaan?
Volgens die Nederlandse woordeboeke is holderstebolder ʼn klanknabootsing van die geluid van iets wat aangerol kom. Die -bolder hou dan verband met bulder wat “raas, dreun” beteken het. In Nederlands het bol ook die betekenis van “kop”; dit sit in Afrikaans nog in ʼn woord soos krullebol. Daar is ʼn moontlikheid dat holderstebolder dan eintlik verwant is aan halsoorkop soos in halsoorkop iets doen. Waar dié woord eintlik “nek oor die kop” beteken, sê holderstebolder soortgelyk: “hol over bol”, wat in plat Afrikaans gat oor kop (slaan) geword het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Marie Visser ·

Taalgeleerdes, help asseblief! In watter sinsverband word die woorde ‘raak’ en ‘word’ gebruik? Ek bly in die Kaapprovinsie en ‘smaak’ my hier word die woord ‘raak’ in alle gevalle gebruik. Baie dankie – ek kyk uit vir jul verklaring.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.