Woord:
iesegrimmig
Betekenis:
Knorrig, nukkerig, nors.
Waar kom dit vandaan?
Uit Nederlands iezegrimmig, ‘n afleiding met –ig van iezegrim. Nederlands iezegrim (Middelnederlands Isengrîm) uit iser ‘yster’ en grime ‘masker’, met ander woorde ‘man met die ystermasker’ of figuurlik ‘gedugte teenstander’, oorspronklik die eienaam van die wolf uit die diere-epos Reinaert. Eerste optekening in Afrikaans by Du Toit (1908) in die vorm esegrimmig.
Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal. Ondersteun gerus hulle Borg ‘n Woord-projek.