Woord:
kapot
Betekenis:
1 Onbruikbaar as gevolg van oudheid of langdurige gebruik, verslete of stukkend: My tikmasjien, pen, grassnyer is al kapot. Hy ry nog altyd met sy kapot ou kar rond.
2 Aan die einde van jou kragte, baie moeg, uitgeput: Kapot wees ná ‘n lang reis, ‘n moeilike dag op kantoor, ‘n siekbed, ‘n uitputtende wedstryd. Jou kapot werk.
Waar kom dit vandaan?
Kapot kom uit die Frans capot, ʼn term in die kaartspel in die uitdrukkings faire capot, “kapot maak, al die pakkies wen”, en étre capot, “kapot wees, al die pakkies verloor”.
Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal. Ondersteun gerus hulle Borg ‘n Woord-projek.
Hoekom het ek altyd gedink dit is kapoet? So leer ek…
Jy is reg, Hannah. Dit is hoe ek dit ook ken.
interessante woorde !! op my program oor eiendomme op Pretoria fm het die woord bromponie en soldoedie ter sprake gekom . die woorde is deur Fanus Rautenbach geskep.