Woord:
Krismisboks (selfstandige naamwoord)
Betekenis:
(geselstaal) Kersgeskenk
Waar kom dit vandaan?
Uit Krismis en boks, as leenvertaling van Engels Christmas box (1668 – 1712).
Eng. Christmas box het oorspronklik verwys na ‘n erdehouer met ‘n gleuf aan die een kant, waarin vakleerlinge voor Kersfees geldelike bydraes bymekaargemaak het. Sodra die houer vol was, is dit gebreek en die inhoud onder die vakleerlinge verdeel. Later is dié naam oorgedra op die presentjies wat posmanne, ens. tydens Kersfees van die huiseienaar gevra het. Gaandeweg het dit sinoniem met Kersgeskenk geword.
Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal.