Woord: laatontbyt
Maaltyd wat laat in die oggend geëet word as ’n kombinasie van ontbyt en middagete; sinonieme noenbyt, noenontbyt: ’n Laatontbyt word by die Administrateurswoning gehou ten bate van Uskor (Die Burger, 17 November 1992, 7).
Woord: noenmaal
Deftige middagete, gewoonlik as wyse van onthaal; ook soms, gewone middagete: Op ’n noenmaalonthaal, trakteer, vergas.
Woord: noenontbyt
Laatontbyt: Die modevertoning is voorafgegaan deur ’n noenontbyt met vonkelwyn (Paratus, Desember 1986, 49).
Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal. Ondersteun gerus hulle Borg ‘n Woord-projek.