Woord: lafenis

Argieffoto (Foto: Vidar Nordli-Mathisen/Unsplash)

Woord:
lafenis

Betekenis:
In ʼn neutedop verwys “lafenis” na verkwikking, versterking, of troos wat fisiek of geestelik ervaar word.

Verkwikking of versterking kan fisiek ervaar word, soos om jou dors met water te les of in ʼn koeler omgewing te wees.

  • Die yskoue bergwater is ʼn lafenis vir die stappers wat warm kry en spook om bo uit te kom.
  • Vakansiegangers soek op warm dae ʼn lafenis in die swembad of onder sambrele op die strand.
  • In die somer bring ʼn vars aandwindjie lafenis na die dag se versengende hitte.

Lafenis kan ook na ʼn geestelike verkwikking of versterking verwys.

  • Op my ouers se plaas waar ek vir ʼn wyle weg van die stad se gejaagdheid en druk verkeer is, is die rustigheid vir my ʼn lafenis.
  • Boekwurms gaan soek ʼn lafenis vir hulle siele in biblioteke, boekwinkels of koffiewinkels waar hulle ure kan sit en lees.
  • Die bejaarde egpaar se kleinkinders is ʼn lafenis vir hulle gemoed.

Bronne: Woordeboek van die Afrikaanse Taal (WAT)

  • Ter wille van die konteks van hierdie taaltoffie en ter wille van erkenning aan die bron versoek ons dat jy nie bloot net ʼn skermskoot van hierdie taaltoffie op sosiale media sal deel nie, maar eerder die skakel van die Toetentaal-plasing sal gebruik. – Red

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.