margarien
Betekenis:
Kunsbotter van plantstowwe gemaak
Waar kom dit vandaan?
Die oorlewering dat Kleopatra haar duur pêrels in wyn opgelos het om haar liefde vir haar Romeinse minnaar, Markus Antonius, te bewys, word moeilik deur ernstige navorsers gesluk.
Tog sluk miljoene mense daagliks pêrels op hulle toebroodjies in: Grieks margarites het letterlik “pêrelagtig” beteken. Die kunsbotter is toe so genoem na aanleiding van die glans van die kristalle daarin wat aan dié van pêrels herinner het.
Dié interessante brokkie is in Anton F. Prinsloo se boek, ‘n Dief aan die kers – skelm woorde deur die eeue gepubliseer.
Uitgewers: Pharos
Prys: R250-00*
* Prys onderhewig aan verandering