Woord: negosiewinkel

(Argieffoto: Unsplash)

Woord:
negosiewinkel

Betekenis:
Winkel van ’n algemene handelaar.

Waar kom dit vandaan?
Uit Nederlands negotiewinkel, ʼn samestelling van negosie en winkel. Eerste optekening in Afrikaans by Changuion (1844) in die vorm negotie-winkel.

negosie s.nw. (verouderend)
Handelsware.
Uit Nederlands negotie (1657). Die oudste betekenis van negotie is in 1520 opgeteken as “handel”, tans ʼn verouderde woord in Nederlands, waaruit die huidige betekenis ontstaan het.
Die Nederlandse negotie is in Frans négoce wat dieselfde betekenis het. In Engels is dit negotiate wat “(onder)handel” beteken.

Verwante woorde: afdelingswinkel, basaar, koöperasie, snuisterywinkel