Argieffoto (Foto: Pexels/Pixabay)
Woord:
Nuwejaarsvoorneme (dikwels in die meervoud Nuwejaarsvoornemens)
Betekenis:
Goeie voorneme, gewoonlik aan die einde van ‘n jaar gemaak, waarmee iemand besluit om in die nuwe jaar byvoorbeeld sekere slegte gewoontes af te sweer of sekere positiewe dinge te doen: Dit is … my nuwejaarsvoorneme om … verdraagsaam te bly (Dawie in L. Louw: Dawie, 1965, 206). Nuwejaarsvoornemens? Nie vir my nie, hoor. Ek is tog die hele jaar besig om voornemens te maak (Boerdery Suid-Afrika, Januarie 1970, 46).
Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal. Ondersteun gerus hulle Borg ‘n Woord-projek.
