Woord: Oukersaand

Argieffoto (Foto: jill111/Pixabay)

Woord:
Oukersaand

Betekenis:
aand voor Kersdag; aand van 24 Desember; Kersaand

Oukersaand of Oukersdag, 24 Desember, die dag voor Kersdag, word in ‘n meerdere of mindere mate in meeste Christelike samelewings as ‘n vakansiedag behandel. Oukersaand is steeds die mees tradisionele dag om die kersboom mooi te maak, maar omdat die Amerikaanse vakansieseisoen terugverleng is tot by Danksegging (Thanksgiving), is baie Amerikaanse bome al weke lank reeds opgestel.

Baie Christene vier tradisioneel ‘n middernagmis om middernag op Oukersaand, wat in kerke dwarsdeur die wêreld gehou word en die begin van Kersdag aanteken. Baie ander Christene gebruik nie die term “mis” nie, en kerke soos die Anglikaanse Kerk hou ‘n Kersligdiens, tipies as ‘n sangdiens, vroeër die aand. Hierdie sluit ook baie keer ‘n kersspel in, met lammetjies en lewende herders. Groot maaltye is ook algemeen, alhoewel nie gedurende die diens nie, gereeld met kalkoen of ham as die hoofitem. Die Kersgans van die 19de eeu is besig om ‘n blote herinnering te word.

Oukersaand word ook gesien as die nag waar Kersvader (of sy internasionale variante) sy rondtes doen en geskenke aan soet kinders uitdeel. In Italië word geskenke op die oggend van Oukersdag oopgemaak, terwyl in die Verenigde Koninkryk, Swede, Denemarke, Noorweë, Finland, Portugal, Pole, Liechtenstein en Suid-Afrika word geskenke daardie aand of die oggend van Kersdag oopgemaak. In Noord-Amerika is ook hierdie mengsel, maar dit is meer algemeen om dit op die oggend van Kersdag oop te maak. In families waarin ‘n egskeiding plaasgevind het, mag kinders die een dag by die een helfte van die familie, en die volgende dag by die ander spandeer. In families waar opeenvolgende huwelike plaasgevind het, mag Kersreise vir dae aanhou. In Spanje word geskenke op die meer tradisionele herdenking oopgemaak: die oggend van 6 Januarie, Driekoningedag.
(Bron: Wikipedia)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae