Woord:
paniekkopery
Betekenis:
Grootskaalse aankoop van produkte of goedere, dikwels kruideniersware, vanweë die oortuiging of vrees dat ’n bepaalde gebeurtenis of toestand tot tekorte sal lei: Verskeie dorpe in die (malaria) geteisterde dele is sonder kinapille as gevolg van “paniekkopery” deur die inwoners en toeriste (Transvaler, 13 April 1972, 3). Pres. Truman se tirade teen oppotters en paniekkopery het slegs daartoe bygedra om die openbare mening te sterk dat hulle moet voorbereid wees vir alle moontlikhede (Vaderland, 22 Julie 1950, 2). Een wolkenner het die toestand as “paniekkopery” bestempel. Pryse is nou sowat 85 persent hoër as waarmee die huidige verkoopseisoen … begin het (Oosterlig, 11 Januarie 1973, 1).