Argieffoto (Foto: Pexels/Pixabay)
Woord:
skote Petoors/skote petoors
Betekenis:
mooi so; knap gedaan!
Waar kom dit vandaan?
Waarskynlik na majoor Lood Pretorius wat in die Anglo-Boereoorlog met sy eerste kanonskoot die vyandelike magte getref het. Dit is ʼn uitroep waarmee waardering of bewondering vir ‘n prestasie van ‘n ander persoon uitgedruk word: Skote Petoors! Paspoorte binne dae gereed (Beeld, 15 Oktober 2011, 11). Skote petoors! Die vleis op my bord is voorwaar ‘n wonderlike prestasie – murgsagte saligheid (Die Burger, 5 Junie 2009, NJ, 6).
Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal. Ondersteun gerus hulle Borg ‘n Woord-projek.
