Woord: smulbord

Foto ter illustrasie. (Foto: Maroela Media)

Woord:
smulbord

Betekenis:
In die Woordeboek van die Afrikaanse Taal (WAT) word ʼn smulbord as ʼn “[g]roterige bord met ʼn verskeidenheid vingerhappies” beskryf. Dit word gewoonlik by sosiale geleenthede soos ʼn partytjie of feesviering voorgesit en die idee is dat so ʼn smulbord deur twee of meer mense gedeel word. Byvoorbeeld:

• By die kuier het ons ʼn smulbord met olywe, kaas, biltong en ciabattas voorberei waaraan al ons vriende saam kon peusel.
• Die restaurant se spesialiteit is hul smulborde wat ʼn mengsel van plaaslike en internasionale kaas en geprosesseerde vleissoorte bevat.
• Toe ons by die funksie aankom, was daar ʼn smulbord in die middel van elke tafel wat gaste as voorgereg kon geniet.

Hierdie interessante brokkie verskyn in die Woordeboek van die Afrikaanse Taal (WAT). Ondersteun gerus hul Borg ʼn Woord-projek.   

• Ter wille van die konteks van hierdie taaltoffie en ter wille van erkenning aan die bron versoek ons dat jy nie bloot net ʼn skermskoot van hierdie taaltoffie op sosiale media sal deel nie, maar eerder die skakel van die Toetentaal-plasing sal gebruik. – Red