Argieffoto (Foto: grutka/Pixabay)
Woord:
sommelier
(uitspraak: som-me-lier / som-mel-jê)
Betekenis:
Opgeleide persoon, gewoonlik werksaam in die gasvryheidsbedryf, met gevorderde en gespesialiseerde kennis van wyn en die bediening daarvan, ook saam met verskillende disse: Die sommelier is die opperste wynhoof van ’n hotel of restaurant, iemand wat geheel en al verantwoordelik is vir die wyne wat daar bedien word, die korrekte bediening daarvan en die insig en kennis waarmee wyn aan klante voorgesit word (Insig, Oktober 2003, 85). * Sommeliers het gevorderde wynkennis, en deftige restaurante neem ‘n sommelier in diens om klante te help wyn bestel saam met hul maaltyd (Tuis, September 2009, 111).
Waar kom dit vandaan?
Uit Frans
Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal. Ondersteun gerus hulle Borg ‘n Woord-projek.
Volgende keer wanneer ek by my neus in die lug vrinne kuier gaan ek vir hulle sê “ek is nie ‘n sommeljéi nie, ek drink nie meer bokswyn nie.”