Woord:
spiekeries
Betekenis:
1 spoggerig, deftig, vermakerig:
* Ek sou my weer netjies formeel aantrek, styf gespan, spiekeries en kiertsregop, blink-blink skoene met rang- en kentekens (Willie Meyer). * Ons sit in die raadskamer langs Sisulu se spiekeries kantoor skuins bo die Nasionale Vergadering (Jan-Jan Joubert). * Wie is daar wat (as kontinuïteitsaanbieder) op die proef gestel kon word? Wat van ʼn spiekeries kêrel soos Gerhard Viviers? (Huisgenoot, 26 Maart 1976, 18)
2 goed of agtermekaar:
* As jy getrou jou huisverband betaal en nie ander skuldprobleme het nie, lyk jou kredietstatus waarskynlik spiekeries (Netwerk24, 5 Julie 2017, E)
[Wat Gerhard Viviers, beminde radio-omroeper en sportkommentator van die 1960’s en 1970’s, gereeld geantwoord het as hy gevra is hoe dit met hom gaan, en wat hom sy bynaam besorg het]