Woord:
tingting
Betekenis:
1. (ten opsigte van konfyt en stroop) Wat te lank gekook het en baie dik en taai is: Hou die konfyt dop dat dit nie tingting kook nie (Bitterfontein). Haal die konfyt dadelik af, anders is dit nou-nou tingting (Garies).
2. Baie soet, omdat te veel suiker bygevoeg is: Jy maak jou koffie ting-ting as jy so baie suiker ingooi (Vredendal). Die koekie is tingting.
tingting-en-tameletjie Goeie vriende: Na ons bakleiery was ons gou weer ting-ting-en-tameletjie met mekaar (Noordweste)
Klik hier om te sien hoe Coca-Cola tingting raak indien dit gekook word.
Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal.