Woord:
‘n Twisappel
Betekenis:
ʼn Geskilpunt
Waar kom dit vandaan?
Ontleen aan die Griekse mitologie: die goue appel wat die godin van twis en tweedrag, Eris, op die bruilof van Peleus en Thetis tussen die gaste ingegooi het. Op die appel het gestaan: Vir die mooiste, en die drie godinne Hera, Atene en Afrodite het daaroor getwis totdat die Trojaanse prins dit aan Afrodite gegee het.