Woord:
geniaal
Betekenis:
uitermate begaaf
Waar kom dit vandaan?
Latyn genialis se letterlike betekenis het met huweliksrites te make gehad, afgelei van genius “beskermgees” (hopelik van die bruidegom). As hy hom tydens die troue goed gedra het, is hy later as “aangenaam, feestelik” bestempel en nog later as besonder begaaf.
OOK:
Woord:
genie
Betekenis:
buitengewoon begaafde persoon
Waar kom dit vandaan?
Die genie was oorspronklik die beskermgod of -gees wat oor elke mens van geboorte af waak. Omdat dit die taak (in die meeste gevalle) so goed vervul het, is dit later as ʼn uiters begaafde wese beskou.
Dié taalbrokkie is oorspronklik gepubliseer in dr Anton Prinsloo se boek, ‘n Dief aan die Kers – skelm woorde deur die eeue (uitgegee deur NB Uitgewers)
Koop die boek: Graffiti Boeke
Prys: R225-00*
*Prys onderhewig aan verandering