Woord van die week: ontbyt

Foto: Pixabay

Woord: ontbyt
Betekenis: eerste maaltyd van die dag

Die ont- van ontbyt beteken “om te begin”, net soos in ontbrand, ontvlam en ontwaak, en is dus naby in betekenis aan breakfast, naamlik “om te begin byt of hap”.

Sinonieme: brekfis (geselstaal), môrestuk (verouderd), oggendete (minder gebruiklik), vroegstuk (verouderd).

Waar kom “brekfis” vandaan?
Verafrikaanste vorm van Engels breakfast (1463). Engels breakfast is ʼn samestelling van break “breek” en fast “vas”, so genoem omdat ontbyt die maaltyd is waarmee jy jou vas in die oggend verbreek.

Bron: Woordeboek van die Afrikaanse Taal

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae