Woord van die week: papelellekoors

Argieffoto (Foto: congerdesign, Pixabay)

Woord:
papelellekoors (skertsend)

Betekenis:
1 Denkbeeldige siekte; skynsiekte; ‘n geveinsde siekte of ongesteldheid: Maak dat jy dadelik opstaan. Jou siekte is skoon papelellekoors en luisiekte (J.M. Friedenthal: Uilskuiken, 1936, 181).
2 Ontsteltenis, woede of vrees: Josephine het gehardloop om tant Meraai te gaan roep, al was ons so bang vir haar dat ons die papelellekoors gekry het as sy dit naby ons waag (Huisgenoot, 5 Jul. 1990, 42).

Waar kom dit vandaan?
Waarskynlik ʼn samestelling van verouderde Nederlands papelarden “huigelary” en koors; dalk via Oudfrans uit Latyn papelardia (skynheiligheid)

Vergelyk ipekonders:
Sy is sommer vol ipekonders.
– Sy verbeel haar dat sy siek is. Hipochondri: ‘n ingebeelde siekte, met gevolglike neerslagtigheid.

Hierdie interessante brokkie is aan Maroela Media se Taaltoffie verskaf deur die Woordeboek van die Afrikaanse Taal. Ondersteun gerus hulle Borg ‘n Woord-projek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Joe Hall ·

Selfde hier Lorinda Gerber.
Volgens my “kennis/ervaring” was die gebruik daarvan ook beperk tot opsie 2 soos hierbo beskryf word.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.