Woord:
Volstruispolitiek
Betekenis:
Beleid waarby groot of lastige vrae nie aandag geniet nie.
Waar kom dit vandaan?
Ontleen aan die foutiewe opvatting dat dié voël sy kop in die sand steek as daar gevaar dreig. Die volstruis doen dit glad nie. As hy dink dat gevaar dreig, buig hy sy nek parallel met die grond en luister aandagtig. As daar gevaar is, hardloop hy weg – tot 64 km per uur, volgens een bron. Mense het gedink dat volstruise hul koppe in die sand wegsteek omdat hulle so laag buig – of omdat dit so kan lyk wanneer hulle hul eiers versorg wat in ‘n holte in die grond lê.
