US Woordfees Woordtrofee-wenners vir 2019

“Babbelagtig” wen die prys vir “Beste ensemble” tydens die US Woordfees Woordtrofee-wenners (Foto: Nardus Engelbrecht)

Die 2019 US Woordfees Woordtrofees is op 4 April by ’n spesiale toekenningsgeleentheid op die Overgaauw-landgoed buite Stellenbosch oorhandig. Die wenners het elkeen ’n kunswerk en kontant ontvang. Dié prystuitdelingsgeleentheid is aangebied met die ondersteuning van die ATKV.

Die wenners is:

Toneel: Beste speler (vroulik)
Cintaine Schutte (Tien duisend ton)

Toneel: Beste speler (manlik)
Andrew Buckland (Endgame)

Toneel: Beste byspeler (vroulik) 
Martelize Kolver (Katvoet)

Toneel: Beste byspeler (manlik) 
Wessel Pretorius (Kleedkamer-blues)

Toneel: Beste ensemble
Babbelagtig

Toneel: Beste regisseur
Marthinus Basson (Die gangsters)

Toneel: Beste teaterstuk
Die gangsters

Toneel: Beste Woordfeesdebuut
Tien duisend ton

Beste opkomende kunstenaar(s)
In Slavenhuis 39

Kontemporêre musiek: Beste musiekgedrewe produksie
Samson

Kontemporêre musiek: Beste solo-kunstenaar
Jo Black – Bring die hoop weer terug

Kontemporêre musiek: Beste groep
Soweto String Quartet ontmoet Loki Rothman

Klassieke musiek: Vokaal
Universiteitskoor Stellenbosch

Klassieke musiek: Instrumentaal
Olga Kern – Prestige-klavieruitvoering

Visuele kunste: Beste aanbieding
Jean Theron Louw (My Afrika-wildehonde)

Woordkuns
Woutrine Theron (’n Oulap se rooi)

Beste tegniese prestasie
Shane Cooper (Musiek en -regie: Samson)

Die boekpryswenners vir die beste verkope in vyf verskillende kategorieë is:
Prosa: Jan van Tonder – Die verevrou
Poësie: Willie van der Merwe – Doodmenslik
Politiek en aktueel: Deon Maas – Witboy in Berlyn
Leefstyl: Gerard Scholtz – Hier gaat ons
Kinder- en jeugboeke: Fanie Viljoen – Die dag toe die draak kom

Die Universiteitskoor Stellenbosch wen die prys vir “Klassieke musiek: Vokaal” tydens die US Woordfees Woordtrofee-wenners (Foto: Mark Cloete)

Die volgende spesiale pryse is toegeken:

Catherine Channing en Corné Kruger is aangewys as die Feeshelde wat vanjaar ’n besonderse bydrae tot die sukses van die US Woordfees gelewer het.

Beste prestasie in kunsjoernalistiek
Jacolette Kloppers

Felicia Lesch het die In Verbondenheid-prys ontvang. Hierdie prys word toegeken aan ’n rolspeler wat kunstenaars en die gemeenskap nader aan mekaar bring. Vanjaar vier die US Jazz-orkes sy tiende verjaardag en is die Konservatorium se Sertifikaatprogram 20 jaar oud. Beide het hul bestaan aan Lesch te danke. Sy bied ook jaarliks ’n konsert vir die Woordfees aan waarin studente die geleentheid kry om saam met ikone op te tree – van Yvonne Chaka Chaka en Sibongile Khumalo tot Tarryn Lamb.

WOW Onderwyser van die Jaar
Irene Francis van Steenberg Sekondêr

WOW Skool van die Jaar
Waveren Sekondêre Skool

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.