- Klik hier om die Unieregering se Facebook-blad te besoek. Onthou om die “like”-knoppie te druk!
- Hierdie Facebook-groep vorm deel van Maroela Media se Facebook-veldtog oor die Afrikaner-rebellie. Klik hier om meer te lees.
- Klik hier om meer te lees oor die Unieregering-groep op Facebook.
Louis Botha
Louis Botha
Gebore: 27 September 1862.
Negende kind van Louis Botha en sy vrou, Salomina Adriana van Rooyen.
Geboorteplek: Naby Greytown, Natal.
Skool bygewoon: Tuisonderrig asook sowat twee jaar in ‘n plaasskool.
Tydens die Anglo-Boereoorlog van 1899-1902 groot roem as krygsman en opvolger van Piet Joubert as kommandant-generaal van die Zuid-Afrikaansche Republiek (Transvaal) verwerf.
Huwelikstaat: Tree in 1886 met Annie Frances Bland Emmett in die huwelik. Hulle het vyf kinders.
Sy amptelike woning is in Pretoria en hy het ook ‘n plaas naby Standerton in die suidooste van Transvaal waar hy ‘n boerdery aan die gang het.
Sedert 1910 die eerste minister van die Unie van Suid-Afrika.
Jan Smuts
Jan Smuts
Gebore: 24 Mei 1870.
Die tweede kind van Jacobus Abraham Smuts en sy vrou, Catharina Petronella Gerhardina de Vries.
Geboorteplek: Bovenplaats, naby Riebeeck-Wes, in die destydse Kaapkolonie, wat tans as die Wess-Kaap bekendstaan.
Universiteite bygewoon: Victoria-kollege, Stellenbosch; Universiteit van Cambridge, Engeland.
Tydens die Anglo-Boereoorlog van 1899-1902 bekendheid verwerf as Boeregeneraal en onderhandelaar tydens die vredessamesprekings.
Huwelikstaat: Tree in 1897 met Sybella Margaretha (Issie) Krige in die huwelik. Hulle het ses kinders.
Woon in sy “sinkpaleis” op sy gedeelte van die plaas Doornkloof, digby Irene suid van Pretoria.
Sedert 1910 ‘n kabinetsminister en vertroueling van die eerste minister, Louis Botha.
Deneys Reitz
Deneys Reitz
Gebore: 2 April 1882.
Die derde oudste seun van Francis William Reitz, president van die Oranje-Vrystaat, en sy vrou Blanka Thesen.
Geboorteplek: Bloemfontein, in die destydse Republiek van die Oranje-Vrystaat.
Onderrig: In Bloemfontein ontvang.
Dien dwarsdeur die Anglo-Boereoorlog en maak in die laaste jaar daarvan as lid van generaal Jan Smuts se kommando sy epiese veldtog deur die Kaapkolonie mee.
Huwelikstaat: Ongetroud.
Woon sedert 1908 in Heilbron in die Oranje-Vrystaat.
Bedryf sy eie prokureurspraktyk.
FS Malan
F.S. Malan
Gebore: 12 Maart 1871.
Tweede kind van Daniël Gerhardus Malan en sy vrou, Elizabeth Johanna Malan.
Geboorteplek: Bovlei, naby Wellington, in die destydse Kaapkolonie.
Onderrig: Victoria-kollege, Stellenbosch; Cambridge-universiteit, Engeland.
Tydens die Anglo-Boereoorlog van 1899-1902 as redakteur van die koerant Ons Land een jaar tronkstraf met harde arbeid uitgedien omdat sy koerant die Britse krygsmetodes teen die Boererepublieke gekritiseer het.
Huwelikstaat: Tree in 1897 met Johanna Brümmer in die huwelik. Hulle het vier kinders.
Amptelike woning in Pretoria maar eintlik in Kaapstad gevestig.
Sedert 1910 ‘n lid van die kabinet van die Unie van Suid-Afrika, tans as Minister van Onderwys en van Mynwese en Nywerheid.
