Die twee verdagtes wat daarvan verdink word dat hulle ʼn 27-jarige Moslem-man doodgeslaan het, is Maandag borgtog in die Krugersdorp-landdroshof geweier.
Die twee verdagtes is oor die naweek in hegtenis geneem in verband met die moord op Mohammed Fayaz Kazi. Kazi is na bewering doodgeslaan nadat hy by ʼn kitskosrestaurant in Magaliesburg oor sy baard gespot en “Osama Bin Laden” genoem is. Die moord is uit talle oorde veroordeel en as rassisties en Islamofobies bestempel.
Die verdagtes se name is nog nie bekend nie. Familielede, die publiek en media is toegang tot die hof geweier. Die saak is tot 21 Augustus uitgestel. Albei mans word aangekla van moord en aanranding met die doel om ernstig te beseer.
En die boere wat vermoor word? boermofobies?
stem saam