Gestremde man glo met kokaïen betrap

Argieffoto

Argieffoto

ʼn Gestremde man is Dinsdag met meer as 1 kg kokaïen in sy bagasie by OR Tambo Internasionale Lughawe betrap.

“Die 46-jarige man, in ʼn rolstoel, is tydens ʼn klopjag in hegtenis geneem minute nadat hy omstreeks 10:30 van Dubai in Suid-Afrika geland het,” het Paul Ramaloko, woordvoerder van die Valke, gesê. “Twee pakkies kokaïen is in die agtersakke van elk van sy nege paar denimbroeke in sy tas opgespoor. Die 1205 g kokaïen het ʼn geraamde straatwaarde van R350 000.”

Volgens Ramaloko is die man ʼn gereelde reisiger en moontlik deel van ʼn groter sindikaat met internasionale skakels wat in dwelms handel dryf.

Hy sal Donderdag in die landdroshof in Kempton Park verskyn.

Die man se nasionaliteit is nie bekend gemaak nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.