Gerhardus Johannes Wiggill (63), wat daarvan beskuldig word dat hy die geweerskoot gevuur het wat tot Juan-Pierre Kleingeld (24) se dood gelei het, het Woensdag in ʼn Limpopo-hof verskyn, berig Beeld.
“Wiggill het op ʼn klag van moord verskyn, maar dit is deur die staatsaanklaer na strafbare manslag verander,” het kol. Ronel Otto, woordvoerder van die polisie, gesê. Wiggill is op borgtog van R5 000 vrygelaat en sal weer in September in die hof verskyn.
Maroela Media het vroeër berig Kleingeld het tydens ʼn jagsessie op 12 Julie ʼn bakkie bestuur en vriende het agterop die bakkie gestaan. ʼn Skoot van ʼn .308-jaggeweer het afgegaan en hom in die kop getref. Hy is met ʼn helikopter na ʼn hospitaal geneem en het verskeie operasies ondergaan. Hy het egter in ʼn koma gebly tot en met sy dood.
“Ons is baie jammer vir die man en blameer niemand nie. Daar is nie woorde nie. Dit was ʼn ongeluk,” het Kleingeld se pa, Aldré, aan die koerant gesê.
-SAPA
My inige mee gevoel met sy naas bestaandes.ja dit is nie of daar n motief was nie hulle het gaan jag.
corrie Smit