Vier geboue het Woensdag in Rosslyn in die noorde van Pretoria in ligte laaie gestaan na ʼn ontploffing in die gebied.
Johan Pieterse, ʼn woordvoerder van die Tshwane-metro se nooddienste, sê die ontploffing het by ‘n chemiese fabriek plaasgevind. “Die fabriek herwin ou olie om nuwe olie van te maak. Daar was glo ʼn probleem met ʼn verbrander wat 44 galondromme vol olie laat ontplof het,” het Pieterse gesê.
Verskeie voertuie is in die ontploffing beskadig. Niemand is beseer nie.
Die brand het ook elektrisiteitstoevoer in die gebied beïnvloed.