Ongeveer R2 miljard is beskikbaar gestel om waterprobleme in Noordwes aan te spreek.
“Kragtens dié plan sal R300 miljoen aangewend word vir waterprojekte binne die Madibeng-munisipaliteit,” het Thandi Modise, premier van die provinsie, Sondag gesê.
Modise het inwoners van Majakaneng toegespreek wat sedert Donderdag al oor ʼn tekort aan water in die gebied betoog het. Modise sê drie boorgate sal binne die volgende paar dae gesak word om verdere watervoorsiening te verseker.
“Gewelddadige betogings en chaos sal slegs die momentum van die diensleweringsplanne ontwrig,” het sy gesê.
Sy het ook die Madibeng-munisipaliteit aangesê om ʼn klep, wat water na ʼn nabygeleë myn laat vloei het, oop te maak sodat die water na die inwoners van Majakaneng kan vloei. -SAPA
Ek is uit my hart uit dankbaar vir die wonderlike nuus en vertrou met my hele hart dat die gemeenskap dit sal ontvang wat aan hulle belowe is…..ook sterkte aan die projek beplanners en bestuurders….ek vertrou dat daar ook binnekort goeie nuus gaan wees vir die probleme wat tans reg oor die land ervaar word, met paaie, behuising ens, en ook dat die misdaad vas gevat sal word. Ons het n lieflike land met soveel potensiaal en ons KAN AS WENNERS UITSTAP!