Argieffoto
Die distriksmunisipaliteit in die Wes-Rand, Gauteng, het glo nie genoeg ambulanse om sy inwoners te diens nie, het die DA Woensdag aangevoer.
“Die Wes-Rand-distrik het slegs een ambulans in plaas van die vereiste 11 ambulanse om die nagenoeg 300 000 inwoners in Mogale City te diens,” het Jack Bloom, woordvoerder vir die DA, gesê.
Die departement van gesondheid moet glo dringend meer ambulanse aan dié deel voorsien.
Simon Zwane, woordvoerder vir gesondheid in Gauteng, was nie dadelik vir kommentaar beskikbaar nie en die munisipaliteit kon ook nie dadelik vir kommentaar bereik word nie.
