Twee polisiebeamptes doodgeskiet in KZN

SAPDTwee polisiebeamptes is Saterdagoggend in KwaZulu-Natal doodgeskiet.

Kol. Jay Naicker, woordvoerder van die polisie, sê vier polisiebeamptes van die KwaDukuza-polisiestasie het vroeg Saterdagoggend van KwaMaphumulo teruggekeer toe hulle ʼn rooi voertuig langs die pad gesien het. “Die beamptes het besluit om ondersoek in te stel. Terwyl hulle nog in hulle motor was, het drie mans uit die bosse gekom en op hulle losgebrand.” Naicker sê die konstabel en studente-konstabel wat voor in die voertuig gesit het, is doodgeskiet. “Een van die verdagtes het in die polisievoertuig geklim en kon daarin slaag om een van die beamptes se vuurwapen af te neem. Die ander polisiebeampte het sy vuurwapen uitgehaal en op die verdagtes begin losbrand.” Naicker sê die verdagtes het in die bosse in gevlug. Die oorledenes se name kan nog nie bekend gemaak word nie aangesien die polisie steeds in die proses is om hulle naasbestaandes in kennis te stel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Eben ·

Mooi so laat julle vir julle ook kry. Polisie kan nie net skiet en skotvry wegstap

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.