Chérif en Said Kouachi, die verdagtes in die terreuraanval op die Franse koerant, Charlie Hebdo
Die twee hoofverdagtes vir die terreuraanval op die satiriese tydskrif Charlie Hebdo in Parys, is dood ná ʼn gewelddadige klopjag deur die polisie.
Chérif en Saïd Kouachi was sedert Woensdag voortvlugtend ná ʼn skietery by die tydskrif se kantoor. Twaalf mense is in die aanval dood.
Die twee is Vrydag omstreeks 16:00 dood toe polisiebeamptes die gebou in Dammartin-en-Goële bestorm het nadat die verdagtes ʼn gyselaar geneem het. Die gebou is ’n hanetreetjie van die lughawe Charles de Gaulle. Die gyselaar is glo bevry, berig The Guardian.
Beamptes het ook op ʼn supermark in die ooste van Parys toegeslaan na ʼn gewapende man ses mense Vrydagmiddag gyselaar geneem het. Hy is ook doodgeskiet toe die polisie die gyselaars bevry het.
Lees alle vorige berigte oor Charlie Hebdo op Maroela Media.
Kan Frankryk nie ons polisie kom oplei nie. Dit is beslis deeglike werk.