Video: Rolprent oor Kim Jong-un gekanselleer ná dreigemente

Foto: The Interview/Facebook

Foto: The Interview/Facebook

Sony Pictures het die vrystelling van ʼn rolprent oor die Noord-Koreaanse leier, Kim Jong-un, gekanselleer ná dreigemente van kuberkrakers en verskeie teatergroepe se weiering om dit te vertoon.

BBC berig dat Sony reeds deurgeloop het onder kuberkrakers wat die publiek gedreig het om weg te bly van teaters waar die rolprent The Interview vertoon sou word. Die kuberkrakers, wat hulself Guardians of Peace noem, het sedert November duisende van Sony se e-posboodskappe onderskep en selfs data gesteel.

Talle teatergroepe in Amerika het intussen ook aangedui dat hulle vir eers nie die rolprent gaan uitsaai nie waarna Sony die vrystelling gekanselleer het.

Die rolprent handel oor ʼn fiktiewe komplot om Kim Jong-un te vermoor. Seth Rogen en James Franco vertolk die hoofrolle in die rolprent. Lees meer hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.