Begrafnis van die boer

droogte

Foto: Skymetweather.com

Deur Kallie du Plessis

Dit is met leedwese dat ek vandag moet aankondig my hoop en visie vir Suid Afrika het gisteraand om 7-uur met die uitsending van die nuusbulletin op TV gesterf. Met groot hartseer moes ek toesien hoe jong witmense veg om die behoud van hul taal en erfenis. Helaas was die oordonderende oormag te groot en die invloed van hogere magte, wat finansies en beleid orkestreer, is besig om die Afrikaanse taal en die geskiedenis daarvan te kelder. Daar word hard gewerk agter die skerms om die invloed en handhawing van alles wat na Afrikaans lyk en selfs net ʼn effense suggestie daarvan het, met die besem by die agterdeur uit te vee.

Die hartseer om ou historiese geboue te sien brand en duur onvervangbare skilderye in die vlamme te sien opgaan, saai verwoesting in my hart. Om te dink hoeveel studente hierdie paaie gestap het, hoeveel kennis oor die jare heen hier opgedoen en teruggeploeg is in die samelewing, die professors wat hier gedoseer het en die magdom boeke in biblioteke maak dat mens se gedagtes in ʼn malle rondomtalie wil gaan, dit is asof die brein weier om hierdie vernietiging te aanvaar.

Hoekom moet ons taal en erfenis die knie buig voor die aanslag van mense wat net wil hê, sonder om te weet wat dit geverg het om hierdie geboue, kennis en mense tot vandag toe hier te kry? Dit is oor dekades heen gevestig en briljante mense wat vandag hul plek in die samelewing volstaan, is die bewyse daarvan.

Mens kan nie net by bestaande opvoedingsinstansies instorm en eis alles moet oornag verander omdat jy ʼn taal en sy erfenis as jou mindere sien nie. Dit is om die wit Suid-Afrikaner weer en weer met ʼn spies in sy hart te steek, sy herkoms uit sy menswees te wil wring en hom te wil dwing om te vergeet waarvandaan hy kom. Dit kan mos nie!

Die SMS op my foon sê “Ons sien nie meer ʼn toekoms vir ons kinders in hierdie land nie”. My hart wil breek, want dit is my kleinkinders waaroor dit hier gaan.  Hoekom moet hulle weggejaag word, waarom het hul kultuur en erfenis die brandpunt van hierdie land geword?

My hart is bitter swaar vandag en daar is ʼn duisend hoekoms, soos met die afsterf van enige geliefde. Ek sal put uit my herinneringe, soos wat mens sal doen wanneer jy rou oor jou geliefde, want ek weet eendag sal die waaroms, daarom word.

Tot dan sal ek elke dag ʼn blom op my geliefde taal en erfenis se graf plaas, in die wete dat daar weer eendag ʼn “opstanding” sal wees, maar tot dan treur ek oor ʼn wonderlike taal wat ek bevoorreg was om lief te hê met my hele hart.

Hierdie rubriek is ʼn lesersbrief wat op Maroela Media se webwerf gepubliseer is. Die menings en standpunte wat in hierdie skrywe uitgespreek word, is nie noodwendig die beleid of standpunt van Maroela Media se redakteurs, direksie of aandeelhouers nie. -Red

Deel van: Só sê die lesers

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

54 Kommentare

jongste oudste gewildste
ina visagie

Dit is met n swaar hart en gemoed wat ek hierdie skrywe lees. Wat wil hulle he moet ons doen, dis ook ons erfenis en ons geskiedenis, hoekom moet dit vertrap word onder voete wat niks kan opbou nie, net afbreek en verwoes. Ja vir myself gee ek nie om nie, my lewe is reeds meer as half verby, maar my kinders en kleinkinders moet is so n chaotiese stelsel opgroei en poog om gerespekteerde mense te wees. Hoe moet ek naaste liefde aan my nasate oordra as die verwoesting wat hulle saai en die demands op iets wat nie… Lees meer »

Leonora

Ek lees dit en my trane loop, waar sal dit eindig. Dit is my kinders se land ook, oor hul wit is maak dit hulle die vyand rerig mense ek het gehoop ons is gelyk. Wittes word uitgeskel as rassiste maar wie is dit nou eintlik

Ian

En wanneer Afrikaans afgeskaf is sal hul weer iets nuut kry om te verwoes. Dit sal NOOIT ophou voordat ons ons voet neersit en begin terug baklei nie. Steeds is daar Afrikaners wat “hoop” het in SA. Word wakker Afrikaners. Ek ruik al die bloed!

Thys

Dit is blatante minagting van die grondwet, die grondwet bepaal dat SA 11 amptelike tale het en nou word Afrikaans doelbewus uitgesonder om weg geneem te word.
Maar wees verseker, dit gaan nie so maklik wees nie.

Renschke

My taal is Afrikaans en sal Afrikaans bly. My kultuur sal bly en niks en niemand gaan my verbied om my taal te praat of om my kultuur uit te leef nie. Waar ek gaan sal ek my taal praat, as iemand nie verstaan nie is dit sy proebleem. Afrikaans is as n amptelike taal verklaar, en sou dit kom dat dit weg gevat word sal ek nooit my taal verraai nie. En vlug omdat hulle daarop aandring, NEE…… staan jou staan hulle is niks want GOD is met ons!!!!!!!