Geweld op kampusse: Waarvandaan en waarheen?

Betogings op die Noordwes-Universiteit (NWU) se Mafikeng-kampus (20 September 2016). Foto: Twitter via @afriforumjeug

Betogings op die Noordwes-Universiteit (NWU) se Mafikeng-kampus (20 September 2016). Foto: Twitter via @afriforumjeug

Deur Francois du Plessis

In 1955 is die Vryheidsmanifes (Freedom Charter) deur die ANC aanvaar as amptelike beleidsdokument.

Elke klousule van die manifes is afsonderlik bespreek deur die 3 000 kongresgangers. Nadat konsensus bereik is, is elke klousule in die manifes weer hardop voorgelees, voordat daar afsonderlik oor elkeen gestem is.

Sedert 1955 was die betrokke Vryheidsmanifes die hartklop van die struggle teen apartheid, wit oorheersing en ongelykhede in die samelewing.

Tydens die Kodesa-onderhandelings vir ʼn vry en regverdige, nierassige Suid-Afrika, was die beginsels soos vervat in die Vryheidsmanifes die wegspringblokke van die ANC, asook die grondslag waarop die ANC onderhandel het.

Die Vryheidsmanifes is die maatstaf waarteen die ANC homself en die samelewing gemeet het. Die inhoud is as ononderhandelbaar, byna heilig beskou en is aan Suid-Afrikaners as die “beloofde land” voorgehou.

Wanneer die Vryheidsmanifes vandag bestudeer word, kan duidelik opgemerk word dat die ANC byna geheel en al gefaal het om aan die verwagtinge te voldoen.

Talle landsburgers van Suid-Afrika word rooi onder die kraag as hulle die geweld en vernietiging van universiteitskampusse gade slaan.

Maar in hierdie optrede van mense (deur geweld teenoor en die vernietiging van sosiaal-ekonomiese sleutelpunte) is daar enkele faktore wat ons nooit mag vergeet nie, naamlik:

– Die rede waarom landsburgers in Suid-Afrika hulle tot geweld en die vernietiging van infrastruktuur wend, is omdat dit die enigste wyse is om die ANC en die regering sover te kry om na die mense te luister. Die ANC is ligjare verwyder van hul ondersteuners en voormalige ondersteuners. Uiterste frustrasie noodsaak mense om hulself op radikale alternatiewe te beroep. Niemand kan ooit die spoor van vernietiging en geweld op kampusse goedkeur nie, maar dit is blykbaar die enigste manier om gehoor en gesien te word.

– Die ANC is sedert 1976 bekend vir ʼn kultuur van infrastruktuur-vernietiging. Enige minister, wat sou waag om te beweer dat hulle nooit instansies tydens die strugglejare vernietig het nie, verkondig ʼn blatante leun.

– Sedert 1976 is ʼn kultuur van wanbetaling en gratis dienste deur die ANC en sy alliansie-vennote gekweek. Male sonder tal is daar vir dekades skuld vir dienste in sekere woongebiede afgeskryf.

– ʼn Leiersfiguur in die Kommunistiese Party kan nie van medelandsburgers verwag om ʼn kapitalistiese stelsel te volg nie (dus, betaling van universiteitsklasgeld).

– Die Vryheidsmanifes meld onder meer: “Education shall be free, compulsory, universal and equal for all. Higher education and technical training shall be opened to all.” Ná byna 23 jaar sedert die nuwe demokrasie gevestig is en meer as 61 jaar nadat die Vryheidsmanifes aanvaar is, kan verwag word dat mense genoeg van leë beloftes het.

ANC-veterane (soos Winnie Madikizela-Mandela) volg nou die onsnappingsroete om te verklaar dat die beginsel van gratis onderwys, soos vervat in die Vryheidsmanifes, ʼn onverantwoordelike besluit was. Die verklaring kan nie die beloftes en ondernemings wat oor dekades heen deur “kripvreters” gemaak is, ongedaan maak nie.

– ʼn Dreigement dat universiteite vir ses maande gesluit sal word, kan pligsgetroue, toegewyde studente van geleenthede ontneem. Verder wek sulke uitlatings net meer aggressie by oproerige én nie-oproerige studente. Sulke uitsprake getuig meer van radeloosheid, hulpeloosheid en die gebrek aan leierskap, as wat dit die probleem aanpak.

– Leierskap beteken dat moontlike konflikgebiede, onder meer in die onderwysstelsel, geïdentifiseer en vroegtydig aangespreek sou kon word. Die ANC en departement van onderwys is geensins voorbereid op geweld in hoërskole en laerskole nie. Verskeie onderwysers het reeds die eerste tekens van oproer en geweld binne skole waargeneem. Skole is ʼn tikkende tydbom.

– Swak presteerders op kampusse en diegene wat eksamenweiering in die gesig staar, blaas geweld aan. Toegang tot kampusse moet so streng soos toegang tot nasionale sleutelpunte beheer word. Swak presteerders moet so spoedig moontlik uitgesluit word.

– Die gebrek aan leierskap veroorsaak oproer, geweld en aggressie.

Mag ons politieke partye ʼn les leer, naamlik om versigtig te wees met leë beloftes. Onuitvoerbare beloftes lei gewoonlik net tot eie ondergang.

 

Stuur vir ons jou brief, met ’n maksimum van 500 woorde, na , dan oorweeg ons dit vir publikasie.
Hierdie rubriek is ’n lesersbrief wat op Maroela Media se webwerf gepubliseer is. Die menings en standpunte wat in hierdie skrywe uitgespreek word, is nie noodwendig die beleid of standpunt van Maroela Media se redakteurs, direksie of aandeelhouers nie. -Red

Deel van: Só sê die lesers

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

24 Kommentare

JC ·

Geweld kan NOOIT die antwoord wees nie. Gratis onderwys is ‘n pypdroom. Ons is ‘n derde-wereldse land. Van die studente wat hulp ontvang, pluk 75% . En dan wil hul gratis onderwys he????????????????????? 50% van studente val uit!! die meeste van hulle swart. Die probleem begin by skole en die gebrek aan moedertaal onderrig, en ontoereikende onderrig op skoolvlak. Dit gaan dan net aan op universiteitsvlak met bewese swak opeenvolgende prestasie juis agv die feit dat onderrig ontvang word in ‘n (kom ons AANVAAR dit) VREEMDE TAAL, naamlik Engels, terywl Afrikaanses goddank in hul taal van keuse kan swot. WAT ‘N GEMORS!

Jeanne ·

Ek het nog nooit na Winnie Mandela geluister behalwe verlede Vrydag op ‘n radio-uitsending nie. En vir die eerste keer het hierdie Universiteitsopstande vir my duidelik geword. Die studente gaan NIE ophou protesteer voordat dit nie alles gratis is nie. Sy sê self, hulle kom nie in opstand teen hoë fooie nie, hulle wil dit alles gratis en verniet hê soos wat aan hulle en hulle ouers belowe is deur die ANC (wat volgens haar toe te onervare was) om sulke beloftes te maak. Vir die eerste keer het die liggie vir my opgegaan. Dit gaan nie oor Afrikaans nie, dit gaan nie oor laer fooie nie, dit gaan oor GRATIS onderwys en gratis studies, want dit is wat die ANC aan hulle en hulle ouers belowe het as die ANC aan bewind kom. Sy self erken dit is NIE haalbaar nie, en NIE prakties nie, tog erken sy die beloftes is gemaak. Nou weet ek nie hoe keer die ANC dit om nie?

Theresa ·

Dink die dame was deel van besluitneming destyds – liewer maar stil in agtergrond bly. In elk geval seker baie doenig.

Theresa ·

Leë beloftes, maar baie onsinvolle redenasies daaragter – dus onuitvoerbaar.

Jakobus ·

Dan vra ek, is hierdie kultuur, met ander kulturele waardes versoenbaar?

JC ·

Nee, Jakobus, duidelik nie.
Hierdie kultuur is NIE versoenbaar met beskaafdheid en die beskawing nie!! (m.a.w die Westerse Wereld)
BREEK AF!!BRAND AF!!(want ons kan nie hond-haar-af maak op “varsity” nie)

Theresa ·

Ek twyfel baie sterk. Als in 22 j en natuurlik oor baie wêrelddele ook – nie net hier nie – bewys dis baie moeilik en soms onmoontlik. Want die geweld en afbreek intensiteit, asook ‘n soort parasitiese moet hê dryfkrag, kom nie by gesofistikeerde mense voor nie. Jammer, die opstandige afbrekers maak hul eie naam sleg en respek bly afwesig.

Jakobus ·

Natuurlik verwys ek in my eerste kommentaar hier bo na die kulture soos per die skrywer in die artikel uitgelig.

Siniese Saaiman ·

Ek dink voedsel en drank behoort vry te wees.Arm mense kan nie eet nie.Kom ons begin ‘n ‘”FOOD AND DRINK PRICES MUST FALL” PROTES BEWEGING ‘ ” en terwyl ons nou aan die organiseer is sommer ook “All Salaries must fall” ding ook.

Jef ·

n Bos universiteit is ons voorland maar waar?
Daar doer onder daai wilgerboom langs daai poeletjie water.

Marius ·

Wel…kyk maar na die res van Afrika. Dis duidelik die tendens. Brand alles af, sit met niks onder bome en leer.

James ·

Hoeveel van hierdie studente wat so plunder is van SA.en nie van die buurstate nie.Kyk maar na die meeste van die plaasmoorde watter land se mense is betrokke.

Gerrit ·

Hoekom laat die skrywer belangrike woorde uit die manifes uit. Bv die eerste sin eindig met die woorde “alle kinders”. Die tweede sin eindig met drie belangrike elemente, nl. “State allowances, scholarships and merit”. Nêrens in die manifes lees ek iets van gratis têrsiêre onderwys nie – ek weet ook nie hoekom die studente dit opeis nie.

Dark.O ·

Ek wonder of die skrywer se aanhaling ten opsigte van onderrig uit die Vryheidsmanifes heeltemal korrek is. Ek het dit gaan opkyk en die volgende staan daar:
Education shall be free, compulsory, universal and equal for all CHILDREN;
Higher education and technical training shall be opened to all BY MEANS OF STATE ALLOWANCES AND SCHOLARSHIPS AWARDED ON THE BASIS OF MERIT;
Die skrywer se aanhalings stop elke keer net na “all”.

Johann ·

Ek lees op IOL dat daar op UKWN se Pietermaritzburg kampus groot intimidasie was, hulle is dmv Whatsapps wat hulle Sondagaand ontvang het gedreig. Maandagoggend is hulle wakkergemaak toe daar op hul kamers se deure gehamer is en hulle ‘geforseer’ is om aan die betogings deel te neem.

popeye ·

Hierdie geskiedenis wat geskryf word kan ongelukkig nie weer sommer uitgevee word nie, hulle besef dit ook nie. Hulle eie geskiedenis veroorsaak ‘n armsalige rontomtalie van voort ploeter en ploeter en ploeter….

Johann ·

Een SR voorsitter het nou die dag gesê, die geskiedenis sal bewys of hulle reg was soos hulle nou optree.

Rina Kotze ·

Daarom herhaal die geskiedenis homself telkemale, WANT niemand leer uit hulle foute nie!!!
Dit sal seker oor 50 jaar nog steeds apartheid of ander mense of ander instansies se skuld wees.
Die dade moet moes geregverdig word, want niemand wil verantwoordelikheid aanvaar nie.

Christo ·

Croukramp en Anthony van nuwe kerk en Mad Max moet maar gratis gaan klas gee!

Rina Kotze ·

Dit bly maar ‘n stryd tussen Lig en duisternis. Orde en Wanorde!
Dink nie die betogers kom die mas op nie, nou wil hulle ander ook aftrek!
Abraham Lincoln het gesê: “You cannot encourage the poor by pulling down the rich”.

Mens kry niks in die lewe verniet nie!!! Mens studeer (betalende studie) en werk hard om te kom waar jy wil wees! Niks val in jou skoot nie!
Die betogers moet maar in die dinkhoekie gaan staan en besin. Hulle rig oneindige skade aan hul eie toekoms én hul nageslagte se toekoms aan!!!

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.