Huldeblyk: Liefste Fiela Komoetie van die Lange Kloof

Shaleen Surtie-Richards as Fiela in die teaterproduksie van “Fiela se kind”. (Foto: Verskaf)

Lenélda Labuschagne skryf:

Vanaand is ek seer, Baas, verstaan is min en my hart is seer. U het onse Fiela gevat Here. Ónse Fiela, God se kind.

Vader, vroeër die week het ek gedroom in Afrikaans, Here, want ek glo die dag as U my kom haal, gaan dit in my hartstaal, Afrikaans wees, maar vandag wéét ek, tannie Nenna en onse Fiela van die Lange Kloof is deur onse Vader kom haal en U praat Kaaps-Afrikaans. My hart glimlag.

Dankie, Jirre, lat ek mag wiet onse Fiela is vylag by U se voete, my Meester. Dankie lat ek wiet sy is ingelaat by U se jimmel, Jirre, met die shiny Kaapse Klopse wat bly sing “Djannewarie, Fiebrewarie, Maarch, Ypril, My – onse Fiela is nou vry.”

Dankie dat ek kon grootword met jou as ikoon, as voorbeeld, as rolmodel op die verhoog en kassie – jou talent gaan my verstand te bowe, jy was geniaal, ʼn legende wat vir ewig sal voortleef in ons harte, op ons planke en in ons lewens.

Ek sê dankie, tannie Nenna, dat ek kon grootword in jou huis. Saam jou die trash kon uitvat en die pos kon uithaal en vir Joe kwaad was omdat hy al weer nie betyds was met sy swartsakke vir die asblik nie.

Lenélda Labuschagne Steyn. (Foto: Verskaf)

Dankie dat ek Fiela vir ewig aan jou sal koppel, dankie dat ek saam Benjamin mag voel of die Here jou vir ons geleen het. Dankie dat ek ook soos jóú kind kan voel vanaand, al was ek nie jou se Benjamin nie. Jy altyd die enigste Fiela wies wat ek ken.

Rus sag by die voete van onse Jirre, Ma van Afrikaans. Jou storie is voltooi, jou grondpad is geloop.

Vir ewig liewer as lief vir jou.

Liefde,
Fiela se anner Kjênd xxx

Hierdie rubriek is ʼn lesersbrief wat op Maroela Media se webwerf gepubliseer is. Die menings en standpunte wat in hierdie skrywe uitgespreek word, is nie noodwendig die beleid of standpunt van Maroela Media se redakteurs, direksie of aandeelhouers nie. -Red

Deel van: Só sê die lesers

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

9 Kommentare

jongste oudste gewildste
Filistyn

Groot verlies vir Afrikaanse vermaak.

Danie

Wat se huldeblyk is daar vir Ben Kruger gewees. Ek wil nie eers kyknet kyk nie want elke 5 minute wys hulle haar. Mense sy was goed en almal was lief vir haar en ek gee haar dit toe, maar moenie n god van haar maak nie want sy was nie een. Dit is eindelik skandelik dat mense so aangaan en ander akteurs soos Ben nie so opgehef het nie. Hy was net so goed en bemind.

Sarel

Ons het in die Afrikaanse Vermaak bedryf
Die afgelope tyd al ‘n paar grotes verloor. Almal puik Akteurs..en mag hulde aan almal gebring word.

Frieda

RIV Sharleen jy sal onthou word!!

KhoiKhoi

Fiela, Nenna, mag jy rus in vrede!