Lesersbrief: Rugby-ondersteuners moet hul misnoeë wys

Lukas Boshoff van Pretoria het die onderstaande brief aan die Suid-Afrikaanse Rugbyunie (Saru) gerig na aanleiding van Nathi Mthethwa, minister van sport, se uitlatings rakende rugbyspelers wat nie die knie vir die Black Lives Matter-veldtog wil buig nie.

Lukas Boshoff.

Goeiedag,

Ek stuur hierdie boodskap met diep bekommernis.

Die minister van sport soek blykbaar kommentaar van Saru aangaande die Suid-Afrikaanse spelers wat in Engeland nie die knie wou buig voor die kultus van die Black Livers Matter (BLM) nie.

Hy sou dit nie gedoen het as hy spelers se reg tot eie oortuiging gerespekteer het nie. Dus lei ek en duisende ander af dat hy dit nie goedkeur nie. Ons ken ook die minister vir sy uiters beledigende opmerkings teenoor wit mense.

Indien die minister van elke speler verwag om die knie te buig met gebalde vuis in die lug, is daar mos geen waarborg dat hy dit nie ook van elke toeskouer sal verwag nie.

Dus, die publiek kan goedsmoeds honderde rande vir kaartjies vir die komende Britse Leeus-toer betaal net om ingang geweier te word by hekke of van pawiljoene afgegooi word indien hulle nie voor die BLM wil kniel nie.

Dit mag absurd klink, maar die minister se houding hierteenoor is alreeds absurd. Dit weerspieël ook die magshebsug van die regering.

Dit is geen wonder dat daar nou verskillende veldtogte op sosiale media ontstaan wat ondersteuners maan om nie vanaf 2 September kaartjies vir die Britse Leeus-toer te koop nie.

Wat gaan gebeur as die minister spelers wat nie voor die kultus wil kniel nie, verbied om in die toetse te speel?

Ek rig hiermee ʼn ernstige beroep op Saru om bogenoemde aan die minister oor te dra. Die tyd het aangebreek dat rugbyondersteuners hul misnoeë met die regering se inmenging in sport gaan straf deur finansiële maatreëls. Indien daar nie toeskouers gaan wees nie, gaan borge ook stelselmatig onttrek.

Groete,

Lukas Boshoff

Hierdie rubriek is ʼn lesersbrief wat op Maroela Media se webwerf gepubliseer is. Die menings en standpunte wat in hierdie skrywe uitgespreek word, is nie noodwendig die beleid of standpunt van Maroela Media se redakteurs, direksie of aandeelhouers nie. -Red

Deel van: Só sê die lesers

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
AndréS

Dit gaan geen verskil maak nie. Die meeste van ons ondersteun nie meer SA sport nie

JohanR

Ek wag gretig Lukas vir die Springbokke se eerste toets na Covid-19. Baie van daai span lede het beginsels en geloof , en ek verwag soos met iemand wat nie sport op ‘n Sondag wil speel nie, dat as hulle gedwing word deur die ANC en SARU om die knie te buig, dat baie sal uit die span ontrek. Kan sien daar le ‘n groot tamaletjie nog voorentoe.

Chris

Ek ondersteun jou Lukas, maar ek is een wat glad nie meer sport op tv kyk nie, nie na wat die regering op ons afdwing met die kies van spanne nie. Ek het ook my dstv pakket afgradeer na compact plus, die een sonder sport en betaal amper R400 n maand minder. So as een miljoen suid afrikaners dit doen dan verminder die rassistiese dstv mense se geld met R400 miljoen rand per maand. Dit is ter ondersteuning van afrikaanse kunstenaars wat nie meer op dstv toegelaat word oor hulle verskil van opinie

Riaan

Nogal ironies – In die 80’s het ons die wêreld gesoebat en gesmeek om toegelaat te word om internasionaal te mag deelneem maar hulle het geweier as gevolg van politiek. Nou soebat en smeek ons hulle om ons weer te straf omdat die ANC die hele tyd polities inmeng, maar daaraan word niks gedoen nie. Die wêreld is siek.

Irma

Die manne se dat hule SA sport gaan boikot maar ek weet dat die manne tou gaan staan om van volgende week kaartjies te koop vir die Britse en Ierse Leeustoer. Sal maar sien of die mense van SA die “guts” gaan he om wel hierdie toer te boikot.